შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილის ინფორმაციით, ცხინვალის საოკუპაციო რეჟიმის მიერ იზოლაციის დაწყებიდან დღემდე 14 ადამიანი გარდაიცვალა.

ამ თემაზე მინისტრმა კომენტარი დღეს, ახალგორელი 63 წლის პაციენტის გარდაცვალების საკითხზე გააკეთა, რომელიც მეთოთხმეტე მსხვერპლი გახდა. ციხელაშვილის თქმით, 63 წლის კაცის ოჯახი საქართველოს კონტროლირებად ტერიტორიაზე მის გადმოყვანას რამდენიმე დღის განმავლობაში ცდილობდა.

"რა თქმა უნდა, ამ შეფერხებამ ძალიან მძიმე გავლენა იქონია მის ჯანმრთელობაზე და ადამიანი საავადმყოფოში მიყვანამდე გარდაიცვალა. საერთოდ, იზოლაციის დაწყებიდან, ცხინვალის რეჟიმის მიერ, სექტემბრის დასაწყისიდან 2019 წლის დღემდე, 13 ადამიანი გარდაიცვალა და ეს ბატონი გახლავთ მეთოთხმეტე", — ნათქვამია ციხელაშვილის განცხადებაში.

უწყების ინფორმაციით, 63 წლის პაციენტი ინსულტის დიაგნოზით ახალგორის საავადმყოფოში მკურნალობდა, რის შემდეგაც ცხინვალის კლინიკაში გადაიყვანეს და 5 დღე გააჩერეს. 

ავტორი: ექსპრესნიუსი,

სოციალური ქსელები

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა

ევროკავშირის წარმომადგენლობა - მზია ამაღლობელისთვის განაჩენის გამოტანის წლისთავზე, ევროკავშირი დაუყოვნებლივ გათავისუფლებას მოითხოვს