თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ კლინიკაში კორონავირუსის დიაგნოზით ე.წ. ბოლნისის კლასტერიდან 3 ახალი პაციენტია მოთავსებული.

მისი თქმით, ინფექციურ საავადმყოფოში ერთი კრიტიკული პაციენტი რჩება, რომლის მდგომარეობაც სტაბილურია.

„ჩვენთან შემოსულია 3 ახალი პაციენტი ბოლნისიდან, რომლებიც ერთი ოჯახის წევრები არიან. ისინი გუშინ გვიან შემოვიდნენ ჩვენთან და არსებული რუტინული კვლევებით, მათი მდგომარეობა საშუალოზე მძიმე არ არის. ამჟამად გვყავს 38 პაციენტი. ორთან მივიღეთ ტესტზე უარყოფითი პასუხი და დატოვებენ კლინიკას. გუშინ მხოლოდ ერთი გამოჯანმრთელებული გვყავდა და ისიც მოზარდი. გვყავს ერთი კრიტიკული პაციენტი, თუმცა მისი მდგომარეობა სტაბილური და ვიმედოვნებ, ასე დარჩება. ასევე ველოდებით რამდენიმე ადამიანის გამოჯანმრთელებას“, - განაცხადა მარინა ეზუგბაიამ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა