2020-05-13 14:31:34, 1645 ნახვა

---

მაიკლ გალერი - 8 მარტის შეთანხმების შესრულება არის ლაკმუსის ტესტი ივანიშვილისა და „ქართული ოცნების“ ნამდვილი განზრახვების გამოსავლენად

ევროპარლამენტარი, მაიკლ გალერი „ტვიტერზე“ წერს, რომ 8 მარტის შეთანხმების კომპონენტები უნდა შესრულდეს.

გალერი წერს, რომ შეთანხმების შესრულების საკითხი მმართველი გუნდისთვის იქნება ლაკმუსის ტესტი ივანიშვილისა და „ქართული ოცნების“ ნამდვილი განზრახვების გამოსავლენად.

„ყველა მხარემ უნდა დაიცვან 8 მარტის შეთანხმების ტექსტი და სულისკვეთება. ეს არის ლაკმუსის ტესტი ივანიშვილის და „ქართული ოცნების“ ნამდვილი განზრახვების გამოსავლენად.

დასავლელი პარტნიორები ელიან პოლიტპატიმრების გათავისუფლებას, რადგან ეს აუცილებელია არჩევნების თავისუფალ სამართლებრივ გარემოში ჩატარებისთვის“, - წერს მაიკლ გალერი.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი