ფოთის მუნიციპალიტეტს, ორდღიანი ვიზიტით, შვედეთის საპორტო ქალაქის ოსტამარის დელეგაცია ეწვია.

ფოთის მუნიციპალიტეტის მერიის ინფორმაციით, დელეგაციის შემადგენლობაში ოსტამარის ადგილობრივი მმართველობისა და საზღვაო პორტის მენეჯმენტის წარმომადგენლები არიან –  ქალაქის ვიცე-მერი იაკობ სპანგენბერგი, ლენარტ ოვანიუსი, სტეფან ედელსვეირდი და პიტერ ზონე.

სტუმრებს ქალაქ ფოთის მუნიციპალიტეტის მერი ირაკლი კაკულია და საკრებულოს თავმჯდომარე ალექსანდრე თოფურია შეხვდნენ.

ქართულმა მხარემ, ვიზიტად მყოფ დელეგაციის წარმომადგენლებს სამახსოვრო საჩუქრები გადასცეს და მათთან დღის წესრიგი შეათანხმეს.

ქალაქის ხელმძღვანელობასთან შეხვედრის შემდეგ შვედეთის ქალაქ ოსტამარის დელეგაცია ფოთის ნავსადგურის ხელმძღვანელობას ეწვია.

როგორც მერიაში აცხადებენ, ფოთის მუნიციპალიტეტს შვედეთის საპორტო ქალაქ ოსტამართან 2007 წლიდან მეგობრული ურთიერთობა აკავშირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს