ფოთსა და ზუგდიდში ყველა ავტობუსი გაჩერებულია. სამართალდამცველები ამოწმებენ და აჯარიმებენ იურიდიულ პირებს, რომლებიც აკრძალვის მიუხედავად საქმიანობას აგრძელებენ. გუშინ რამდენიმე სალონი წესების დარღვევის გამო უკვე დაჯარიმდა. 

სამეგრელო -ზემო სვანეთში კორონავუირუსის გავრცელების პრევენციისთვის გასატარებელი ღონისძიებების ფარგლებში პოლიციის, სამხედრო ძალების და ჯანდაცვის სფეროს ერთობლივი ჯგუფები გააკონტროლებენ ბლოკ-პოსტებს მუნიციპალიტეტების შესასვლელ-გასასვლელებთან. რწმუნებულის ადმინისტრაციის ცნობით, ყველა ავტომობილი, სადაც იქნება 3 პიროვნებაზე მეტი აუცილებლად გაჩერდება. ამასთან, ავტომობილში ყველა უნდა იჯდეს პირბადით.

67 წლის მამაკაცი, რომელსაც კორონავირუსი დაუდასტურდა, ზუგდიდის მუნიციპალიტეტის სოფელ ზედაეწერის მცხოვრებია. ის ზუგდიდის ინფექციურ საავადმყოფოში 25 მარტს მოათავსეს. პაციენტს თურქეთში მოგზაურობის ისტორია აქვს - 20 მარტს დაბრუნდა საქართველოში და აქამდე ექიმები ირწმუნებოდნენ, რომ თვითიზოლაციის წესებს მკაცრად იცავდა.

ასევე, ზუგდიდის ინფექციურ საავადმყოფოში დღეს მოთავსებულ ორივე პაციენტს მოგზაურობის ისტორია არ აქვს. შესაბამისად, კორონავირუსის დადასტურების შემთხვევაში, უცნობი იქნება მათი დაინფიცირების წყარო.

კიდევ ერთი მამაკაცი, რომელიც საკარანტინო ზონიდან გადმოიყვანეს, დაკვირვების შემდეგ გაწერეს. საავადმყოფო, ასევე დატოვა ერთი ოჯახის 4-მა წევრმა. მათ კორონავირუსი არ დაუდასტურდათ.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს