„დიდგორი 2015“-ის მოსამზადებელი ერთობლივი სამეთაურო-საშტაბო სწავლება დასრულდა.

თავდაცვის სამინისტროს ინფორმაციით, სწავლება საქართველოს შეიარაღებული ძალების სახმელეთო ჯარების აღმოსავლეთ ოპერატიული სარდლობის ორგანიზებით ერთი თვის განმავლობაში მიმდინარეობდა.

I მსუბუქი ქვეითი ბრიგადისა და I საარტილერიო ბრიგადის სამხედრო მოსამსახურეები ჯერ დაგეგმვისა და ოპერატიული ბრძანების გაცემის მეთოდებს დაეუფლნენ, შემდეგ კი, სიმულაციური საშუალებების გათამაშებით, აღსრულების პროცესი განხორციელდა. სამხედრო მოსამსახურეებმა სწავლების პირველი ეტაპი აღნიშნული ბრიგადების დისლოკაციის ადგილებზე, მეორე ეტაპი კი, ეროვნულ სასწავლო ცენტრ „კრწანისში“ გაიარეს.

ერთობლივ სწავლებაში ამერიკელი ინსტრუქტორები, CUBIC-ისა (საქართველოში თავდაცვის სისტემის გამოყენებითი ჯგუფი) და ეროვნული სასწავლო ცენტრ „კრწანისის“ ინსტრუქტორები არიან ჩართულები. მოგვიანებით დამკვირვებლები სწავლებაში მონაწილე ქვედანაყოფების მოქმედებას განიხილავენ და შეაფასებენ. სწავლება, რომელიც ნატოს მიერ აპრობირებული სისტემებისა და ნატოს სტანდარტების გამოყენებით იმართება, ყველა ქვედანაყოფმა გაიარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი