„კონგრესმენების განცხადებები ადასტურებს, რომ საქართველოს მიმართ არსებობს მაღალი მხარდაჭერა, ოპტიმიზმი და ინტერესი“, - ამის შესახებ პარლამენტის თავმჯდომარემ, არჩილ თალაკვაძემ ჟურნალისტებს ამერიკელი კონგრესმენის, ადამ კინზინგერის  განცხადების საპასუხოდ განუცხადა.

როგორც მან აღნიშნა, დასავლეთი არასდროს დაუჭერს მხარს საქართველოში ნულოვანი მხარდამჭერების მქონე პოლიტიკური პარტიების მოსვლას ხელისუფლებაში.

„კონგრესმენების განცხადებებს სხვადასხვა თარჯიმნები გამოუჩნდება ხოლმე. მათ შორის, ოპოზიციის დესტრუქციულ ნაწილში. მინდა ჩვენს კოლეგებს ოპოზიციის ამ ნაწილიდან პირდაპირ ვუთხრა, რომ დასავლეთი არასდროს დაუჭერს მხარს საქართველოში ნულოვანი მხარდამჭერების მქონე პოლიტიკური პარტიების მოსვლას ხელისუფლებაში იმ ლიდერებით, რომელთაც აქვთ უმძიმესი პოლიტიკური და სამართლებრივი ბიოგრაფია. ეს უბრალოდ წარმოუდგენელია და ნურავინ ნუ შეეცდება ჩვენი მეგობრების განცხადებების გადათარგმნა გააკეთოს საზოგადოებისთვის ისე, რომ თითქოს, ეს არის მათთვის პირადი მხარდაჭერა. მეტსაც ვიტყვი, კონგრესმენების განცხადებები ადასტურებს მხოლოდ ერთადერთს, რომ საქართველოს მიმართ არსებობს მაღალი მხარდაჭერა, ოპტიმიზმი და ინტერესი. ჩვენი კოლეგები ამერიკის კონგრესში დარწმუნებული არიან, რომ ჩვენ შევძლებთ შეთანხმებას და მივაღწევთ ისეთ გადაწყვეტილებამდე, რომელიც ქვეყანას დაეხმარება“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

რუსეთის საგარეო: 18 წლის წინ 7-8 აგვისტოს სააკაშვილის რეჟიმი სამხრეთ ოსეთს თავს დაესხა

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება