„რომელიც უნდათ, ამოირჩიონ, 100/50-ზე, 110/40-ზე. საარჩევნო ბარიერიც რამდენი პროცენტი უნდათ, ერთი, ორი, სამი, თვითონ გადაწყვიტონ“, - ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

როგორც მდინარაძემ აღნიშნა, 40 საარჩევნო ოლქზე ქვემოთ გეოგრაფიულად შეუძლებელია ნორმალური დაყოფა და აღნიშნული, არასერიოზულ სახეს იძენს.

„როგორ წარმოგიდგენიათ, რომ საქართველო 20 საარჩევნო ოლქად დაიყოს? როგორ შეიძლება, ქვეყანაში ოთხი-ხუთი რაიონი ერთ მაჟორიტარულ ოლქად გაერთიანდეს? ეს ვინმემ მომიყვეს და შემდეგ შეიძლება ამაზე სერიოზულად ვილაპარაკოთ. 130/20-ზე, 125/25-ზე, რაც გუშინ გაახმოვანეს, რაც არ უნდა გადათამაშება იყოს, ხომ იმ პრინციპის დაზღვევას ემსახურება, რასაც 40 პროცენტიანი მხარდაჭერა ჰქვია? ანუ, 40 პროცენტზე ნაკლები მხარდაჭერის მქონე პარტიამ უმრავლესობა და მთავრობა ვერ დააკომპლექტოს. თუ ისეთ ფორმულას და მექანიზმს ვთავაზობთ, სადაც ყველა ვარიანტში გარანტირებულად 40 პროცენტით და უფრო დაბალი პროცენტით 76 მანდატის მიღება ხდება, რაღა მნიშვნელობა აქვს მათთვის მაჟორიტარი 20 იქნება, 25 თუ 40? რომელიც უნდათ, ამოირჩიონ, 100/50-ზე, 110/40-ზე. 40 საარჩევნო ოლქზე ქვემოთ გეოგრაფიულად შეუძლებელია ნორმალური დაყოფა და არასერიოზულობას იძენს საუბარი. საარჩევნო ბარიერი რამდენი პროცენტი უნდათ ერთი, ორი, სამი, თვითონ გადაწყვიტონ, 34 პარტია შეთანხმდეს და თქვან, რამდენი უნდათ და ის ჩაიწერება პროექტში. არანაირი პრობლემა არ გვაქვს. ახალი რაღაცების გამოგონება საბაბად არასერიოზულია“, – განაცხადა მდინარაძემ.

ავტორი: ექსპრესნიუსი,

სოციალური ქსელები

რუსეთის საგარეო: 18 წლის წინ 7-8 აგვისტოს სააკაშვილის რეჟიმი სამხრეთ ოსეთს თავს დაესხა

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება