კორონავირუსთან დაკავშირებით მოქმედი უწყებათაშორისი საკოორდინაციო საბჭოს მუშაობაში ჩართულია პარლამენტი, ჯანდაცვისა და სოციალურ საკითხთა კომიტეტის წარმომადგენლობით, გვაქვს ყოველდღიური ინფორმაცია და ვფიქრობ, პანიკის საფუძველი არ არსებობს, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ დიმიტრი ხუნდაძემ პრემიერ-მინისტრის ხელმძღვანელობით გამართული უწყებათაშორისი საკოორდინაციო საბჭოს სხდომის შემდეგ განაცხადა.

მისი შეფასებით, სახელმწიფო ყველაფერს აკეთებს, რომ ვირუსი არ გავრცელდეს.

„გუშინდელი დღის შემდეგ, ვირუსის არც ერთი ახალი შემთხვევა არ დაფიქსირებულა. ამ ეტაპზე რჩება ინფიცირებული 3 პაციენტი, რომელთა ჯანმრთელობის მდგომარეობა დამაკმაყოფილებელია. ვითარება კონტროლირებადია. ყველა პასუხისმგებელი უწყების ხელმძღვანელი, საკოორდინაციო საბჭოს ფორმატში, პრემიერის ხელმძღვანელობით, ყოველდღიურად იკრიბება და ხდება ყველა სავარაუდო სცენარის განხილვა. პარლამენტი, ჯანდაცვისა და სოციალურ საკითხთა კომიტეტის წარმომადგენლობით  ჩართულია საბჭოს მუშაობაში. ჩვენ გვაქვს ყოველდღიური ინფორმაცია და ვფიქრობ, საპანიკო არაფერია, თუმცა მნიშვნელოვანია, სიფრთხილე და სიმშვიდე შევინარჩუნოთ. სახელმწიფო ყველაფერს აკეთებს იმისთვის, რომ ვირუსის გავრცელება არ მოხდეს", - განაცხადა დიმიტრი ხუნდაძემ.

პრემიერ-მინისტრის ხელმძღვანელობით კორონავირუსთან დაკავშირებით მოქმედმა უწყებათაშორისმა საკოორდინაციო საბჭომ დღეს მორიგი სხდომა გამართა. არსებული ვითარების შესახებ ინფორმაციის ურთიერთგაცვლისა და კოორდინირებული ნაბიჯების გადადგმის მიზნით უწყებათაშორისი საბჭო მთავრობის მეთაურთან ინტენსიურ რეჟიმში იკრიბება.

ავტორი: ექსპრესნიუსი,

სოციალური ქსელები

რუსეთის საგარეო: 18 წლის წინ 7-8 აგვისტოს სააკაშვილის რეჟიმი სამხრეთ ოსეთს თავს დაესხა

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება