რუსეთი ადამიანის უფლებათა სასამართლოს გადაწყვეტილების შესრულებასთან დაკავშირებით, რომელმაც რუსეთის ფედერაციას 2006 წელს საქართველოს მოქალაქეების დეპორტაციის გამო, საქართველოს მოქალაქეებისთვის კომპენსაციის სახით 10 მილიონი ევროს გადახდა დააკისრა, პირობებს აყენებს.

ამის შესახებ ინფორმაციას „რია ნოვოსტი“ ავრცელებს.

უწყების ინფორმაციით, აღნიშნული პირობა რუსეთის იუსტიციის სამინისტროს მიერ მომზადებულ სამოქმედო გეგმაშია ასახული, რომლის თანახმადაც, მოსკოვს ევროპული სასამართლოს გადაწყვეტილების შესრულება ჯერჯერობით არ შეუძლია.

სამინისტროს განმარტებით, თბილისმა უნდა შეადგინოს დაზარალებულთა ზუსტი სია, დააზუსტოს დარღვევები, რომელთა გამო დაზარალდა თითოეული მოქალაქე და ამასთან, მოხდეს თანხის ოდენობის დაზუსტებაც.

როგორც რუსული მედია წერს, მოსკოვში შიშობენ, რომ კომპენსაცია, შესაძლოა, იმ ადამიანებმა მიიღონ, რომელთა დაზარალებულად ცნობაც არ შეიძლება.

მათივე თქმით, საქართველოს მიერ წარმოდგენილ სიაში 1795 ადამიანია, რომელთაგან 290 სასამართლოს მიერ მიღებულ დოკუმენტს არ შეესაბამება და საჭიროა მათი სიიდან გამორიცხვა. რუსეთი მხოლოდ სიის დაზუსტების შემდეგ შეძლებს საქართველოსთვის კომპენსაციის გადახდას.

ავტორი: ექსპრესნიუსი,

სოციალური ქსელები

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა