საქართველოში აშშ-ის ელჩის მოადგილესთან, ელიზაბეთ რუდთან ხელისუფლებისა და ოპოზიციის წარმომადგენლებს სადილზე ვერანაირი შეთანხმება ვერ შედგა.  - ამის შესახებ, „ნაციონალური მოძრაობის“ ლიდერმა, გრიგოლ ვაშაძემ განაცხადა.

ვაშაძის თქმით, აშშ-ს ელჩის მოადგილემ ის ადამიანები შეკრიბა, ვისთანაც მუდმივად აქვს კონტაქტი, მათ შორის, ხელისუფლებისა და ოპოზიციის დიალოგის გამო.

„საუბარი ეხებოდა პოლიტიკურ თემებს. არავითარი შეთავაზებები არ გაკეთებულა და არ მიგვიღია. არავითარი შეთანხმება არ ყოფილა. კონკრეტული საკითხები არ წამოჭრილა, ვინაიდან შეხვედრის დასაწყისშივე ყველამ დააფიქსირა, რომ იგივე პოზიციებზე რჩება. მოლაპარაკებების მორიგი რაუნდი არ გაიმართება, ვინაიდან ჯერჯერობით თემა არაა სალაპარაკო“, - განაცხადა ვაშაძემ.

ხელისუფლების წარმომადგენლებიდან შეხვედრას პარლამენტის თავმჯდომარე არჩილ თალაკვაძე და მმართველი პარტიის აღმასრულებელი მდივანი ირაკლი კობახიძე, ასევე დემოუკიდებელი დეპუტატები გია ჟორჟოლიანი, მარიამ ჯაში და თამარ ჩუგოშვილი, „პატრიოტთა ალიანსის“ ერთ-ერთი ლიდერი ირმა ინაშვილი, „ნაციონალური მოძრაობის“ თავმჯდომარე გრიგოლ ვაშაძე, „დემოკრატიული მოძრაობის“ ლიდერი ნინო ბურჯანაძე, და „ლელოს“ ერთ-ერთი ლიდერი დავით უსუფაშვილი.

ავტორი: ექსპრესნიუსი,

სოციალური ქსელები

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის

კობახიძე - როდესაც ხელოვნურად ცდილობ, გააღვივო რუსოფობია ქვეყანაში, ეს ნიშნავს იმას, რომ საკუთარ ქვეყანას უწყობ პროვოკაციას