BBC-ის ცნობით, ორგზის ოლიმპიური ჩემპიონი ბიატლონში, რუსი ევგენი უსტიუგოვი ანტისადოპინგო წესების დარღვევის გამო დისკვალიფიცირებულია.

ბიატლონისტის წინააღმდეგ წარდგენილი ბრალდებები 2010 წლის იანვრიდან 2014 წლის თებერვლამდე პერიოდს შეეხება. რუსეთის ანტისადოპინგო სააგენტოს ცნობით, უსტიუგოვს აკრძალული ანაბოლური პრეპარატის, ოკსანდროლონის გამოყენებაში ადანაშაულებენ.

ახლა სპორტსმენს 21 დღე აქვს შვეიცარიაში, სპორტულ არბიტრაჟში აპელაციის შესატანად.

ევგენი ისტიუგოვთან ერთად, სოჭში, ოლიმპიურ ესტაფეტაში გამარჯვება კიდევ სამმა სპორტსმენმა მოიპოვა. უსტიუგოვისთვის მედლის ჩამორთმევის შემთხვევაში, ჯილდოს სავარაუდოდ ისინიც დაკარგავენ.

თუკი უსტიუგოვი დისკვალიფიკაციას ვერ გაასაჩივრებს, რუსეთი პირველ ადგილს დაკარგავს სოჭის ოლიმპიური თამაშების გუნდურ ჩათვლაში. ასეთ შემთხვევაში, პირველ ადგილს მედალთა საერთო რაოდენობით ნორვეგიის ნაკრები დაიკავებს.

ახლა უსტიუგოვი უკვე აღარ ასპარეზობს – კარიერის დასრულების შემდეგ, ის რუსეთის სახელმწიფო დუმის დეპუტატი გახდა.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“