პარლამენტის პირველი ვიცე სპიკერი გია ვოლსკი აცხადებს, რომ „ევროპული საქართველოს“ წევრის გიგი უგულავას დაკავებასთან დაკავშირებით შეიქმნება ევროპარლამენტართა მრავალპარტიული ფაქტების დამდგენი მისია, რომელიც ამ საქმეს სამართლებრივ-პოლიტიკური ასპექტით განიხილავს.

როგორც ვოლსკიმ გამართულ ბრიფინგზე განაცხადა, აღნიშნული თემა მხოლოდ მას შემდეგ უნდა გახდეს საერთაშორისო მსჯელობის საგანი, როდესაც გაკეთდება შესაბამისი კომპეტენტური დასკვნა.

„უამრავი სპეკულაცია, განცხადებები, გაუგებრობა, შეუთანხმებელი პოზიციების გაჟღერება  მოჰყვა გიგი უგულავას სასამართლოს დასრულებას და გამოტანილ განაჩენს. ამასთან დაკავშირებით. როგორც მოგეხსენებათ, სტრასბურგში მყოფმა პარტიის გენერალურმა მდივანმა და აღმასრულებელმა მდივანმა, გამართეს ინტენსიური კონსულტაციები ჩვენს ევროპელ კოლეგებთან და გადაწყდა, რომ შეიქმნება ევროპარლამენტართა შემადგენლობით, მრავალპარტიული ფაქტების დამდგენი მისია, რომელიც ჩამოვა საქართველოში და ამ საკითხებს სამართლებრივ-პოლიტიკური ასპექტით განიხილავს ჩვენთან ერთად და შესაბამის დაასკვნებს გააკეთებს. ეს თემა, უნდა გახდეს საერთაშორისო მსჯელობის საგანი, მხოლოდ მას მერე, რაც კომპეტენტური დასკვნა იქნება გაკეთებული წინააღმდეგ შემთვევში აზრთა სხვადასხვაობა მნიშვნელოვნად აზიანებს საქართველოს და მის სტაბილურობას“, - განაცხადა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით