„ბაღდათში მომხდარი მძიმე ტრაგედიის ფონზე ჩვენ, პოლიტიკურმა პარტიებმა, ისივე როგორც სამოქალაქო აქტივისტებმა, კონსულტაციით გუშინ ღამით  მივიღეთ გადაწყვეტილება, რომ დღეს აქცია, პიკეტი, სირცხვილის კორიდორი არ ჩაგვეტარებინა“, - ამის შესახებ „ევროპული საქართველოს“ ლიდერმა გიგი უგულავამ განაცხადა.

უგულავამ საქართველოს პარლამენტსაც მოუწოდა, რომ დაგეგმილი სხდომა ხვალისთვის გადადონ. მან ასევე დაანონსა, რომ აქცია პარლამენტთან ხვალ, 10:00 საათზე გაიმართება.

„ენით აღუწერელი ტრაგედია დატრიალდა გუშინ ღამე ბაღდათის რაიონში. ხანძრის შედეგა დაიღუპა 5 სულიანი ოჯახი და მათი ახლობელი, სულ 6 ადამიანი, აქედან 4 ბავშვია და ერთი ფეხმძიმე ქალბატონი. მე მინდა მივუსამძიმრო გორგოძეების ოჯახს, მათ ახლობლებს ჩემი და ყველა ჩვენი გაერთიანებული ოპოზიციის სახელით. ამ მძიმე ტრაგედიის ფონზე ჩვენ, პოლიტიკურმა პარტიებმა, ისივე როგორც სამოქალაქო აქტივისტებმა, კონსულტაციით გუშინ ღამით  მივიღეთ გადაწყვეტილება, რომ დღეს აქცია, პიკეტი, სირცხვილის კორიდორი არ ჩაგვეტარებინა. ვინაიდან მიგვაჩნია, რომ ასეთი ენით აღუწერელი ტრაგედიის ფონზე, ჩვენ ყველას გვჭირდება დაფიქრება, მონილიზება და გლოვა. ასევე მინდა ყოველგვარი ნიშნის მოგების გარეშე მოვუწოდო საქართველოს პარლამენტს დღეს გადაიდოს პარლამენტში სხდომა. რაც შეეხება მომდევნო დღეებს, ჩვენ ვფიქრობთ უკვე ხვალ იმის მიხედვით, როდესაც ხვალ პარლამენტში გაიმართება მომდევნო სესია, ხვალ 10 საათზე შევიკრიბებით და გავაპროტესტებთ უმსგავსობას და მოვითხოვთ პროპორციულ არჩევნებს კიდევ ერთხელ“, - განაცხადა გიგი უგულავამ.

ცნობისთვის, გუშინ ღამით ბაღდათის რაიონში ხანძრის შედეგად 6 ადამიანი გარდაიცვალა. მათ შორის 4 ბავშვი, ერთი მოხუცი და ერთი ფეხმძიმე ქალბატონი.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა