„ალბათ, ნამდვილი სირცხვილი ის არის, „ნაციონალური მოძრაობა“ და მისი სატელიტები სხვა ვინმეს სირცხვილის კორიდორებს რომ უკეთებენ“, - ასე გამოეხმაურა პარლამენტის ვიცე-სპიკერი მამუკა მდინარაძე ოპოზიციის მიერ დაანონსებულ საპროტესტო აქციას.

როგორც მან აღნიშნა, ოპოზიცია პარლამენტში შესვლაზე უარს იმის გამო ამბობს, რომ თავიანთი პოზიციების გასამყარებლად არგუმენტები არ აქვთ.

„ალბათ ნამდვილი სირცხვილი ის არის „ნაციონალური მოძრაობა“ და მისი სატელიტები სხვა ვინმეს სირცხვილის კორიდორებს, რომ უკეთებენ. თუმცა დემოკრატიაში რაღაცა ფასის გადახდა ყველა სახელმწიფოს უწევს, ვისაც უნდა დემოკრატიის ხარისხის გაუმჯობესება და დემოკრატიული ღირებულეების ერთგულება. მაგრამ თუ მათ ნამდვილად უნდათ, რომ ოპონირების რეჟიმში შევიდეთ და ვიკამათოთ მათთან რაიმე თემაზე, მათ შეუძლიათ ეს 30 და 40 კაციანი აქციებიც გააგრძელონ და და შემოვიდნენ, აქაც ვიკამათოთ რეალურ თემებზე, რეალურ გამოწვევებზე, იმაზე იყო თუ არა შეცდომა, იყო თუ არა დაპირებისგან უკან წასვლა, გადაწყვეტიების შეუსრულებლობა, იყო თუ არა სპექტაკლი თუ პირიქით ეს იყო ნამდვილი შიდადემოკრატიული ნაბიჯი. ამ თემებზე სალაპარაკოდ ისინი პარლამენტში არ შემოდიან ერთადერთი მიზეზით, რომ ამ არგუმენტებში ისინი საბოლოოდ აუცილებლად დამარცხდებიან“, - განაცხადა მამუკა მდინარაძემ.

ცნობისთვის, ხვალ, 4 თებერვალს საქართველოს პარლამენტის საგაზაფხულო სესია ოფიციალურად იხსნება. როგორც ცნობილია, პლენარული სხდომის პარალელურად, ოპოზიცია საკანონმდებლო ორგანოს წინ „სირცხვილის კორიდორის“ მოწყობას გეგმავს.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა