„თუ საქართველოს მთავრობა გადაწყვეტს, რომ მინისტერიალი თბილისში ჩაატაროს, შეუძლებელი იქნება, რუსეთს, როგორც ევროპის საბჭოს წევრს, ქვეყანაში შემოსვლა აუკრძალო“,- ამის შესახებ პარლამენტის დამოუკიდებელმა დეპუტატმა თამარ ჩუგოშვილმა განაცხადა.

ჩუგოშვილი მიიჩნევს, რომ შექმნილი ვითარებიდან გამომდინარე უმჯობესი იქნება, ღონისძიება სტრასბურგში ჩატარდეს.

„თბილისში ევროსაბჭოს საპარლამენტო ასამბლეის საერთოდ არაფერი ტარდება, არავინ შემოდის და მოპატიჟება საჭირო რატომ გახდა, ვერ მივხვდი. დღის წესრიგში რისი ჩატარებაც დგას, ეს არის მინისტერიალი, რაც საპარლამენტო ასამბლეა არ არის, სხვა ორგანოა, რომლის სხდომაც წესით თბილისში უნდა გაიმართოს. თუმცა, იმ საფრთხეებიდან გამომდინარე, რაც გავრილოვის პარლამენტის შენობაში მოხვედრას მოჰყვა, ჩვენ, როგორც ევროსაბჭოს თავმჯდომარე ქვეყანამ, ღონისძიებები სტრასბურგში ჩავატარეთ ზუსტად იმიტომ, რომ წინ ასეთი სირთულეები არ დაგვხვედროდა. იმისათვის, რომ საფრთხეები თავიდან ავიცილოთ, ვერ ვხვდები, რატომ არ შეიძლება, რომ მინისტერიალი სტრასბურგში ჩატარდეს, როგორც საპარლამენტო ასამბლეის ღონისძიებები ჩატარდა? თუ საქართველოს მთავრობა გადაწყვეტს, რომ მინისტერიალი თბილისში ჩაატაროს, შეუძლებელი იქნება, რუსეთს, როგორც ევროპის საბჭოს წევრს, ქვეყანაში შემოსვლა აუკრძალო. ამიტომ უფრო უსაფრთხო ნაბიჯი იქნებოდა, ეს ღონისძიება სტრასბურგში ჩატარდეს“, – განაცხადა თამარ ჩუგოშვილმა.

ავტორი: ექსპრესნიუსი,

სოციალური ქსელები

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც