„შემთხვევის ადგილის დათვალიერების შემდეგ დადასტურებულია, რომ იური ვაზაგაშვილი მოკლეს“,  –ამის შესახებ ადვოკატმა გაგი მოსიაშვილმა ჟურნალისტებს სოფელ ყარაფილაში განუცხადა. 

მოსიაშვილი მიიჩნევს, რომ ვაზაგაშვილის გარდაცვალებასთან დაკავშირებით ნებისმიერი ვერსია უნდა განიხილონ. 

„გამოძიება ძალიან ბევრ ვერსიაზე მუშაობს. ახლა ეს არის ის ეტაპი, სადაც ნებისმნიერი სახის ვერსია უნდა იქნას განხილული. უდაოა ის ფაქტი, რომ იური ვაზაგაშვილი შვილის საფლავზე მოკლეს. შემთხვევის ადგილის დათვალიერების შემდეგ, ეს  უდაოდ დადასტურებული ფაქტია“, – განაცხადა მოსიაშვილმა და აქვე დასძინა, რომ ვაზაგაშვილის გარდაცვალების საქმესთან დაკავშირებით აქტიური მუშაობა მიმდინარეობს. 

 შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. არსებული  ინფორმაციით, ის ააფეთქეს.

იური ვაზაგაშვილი, სოფელ ყარაფილაში დღეს,  შვილის გვერდით დაკრძალეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება