„ „ქართულ ოცნებას“ უნდა მოვუწყოთ „განკითხვის დღე“, იმ არაადამიანური პასუხებისთვის, რაც ძალაუფლების ტკბობიდან გამომდინარე აქვთ“, - ამის შესახებ გაერთიანებული ოპოზიციის ერთ-ერთმა ლიდერმა, გიორგი ვაშაძემ ხელისუფლების წარმომადგენლებთან შეხვედრის შემდეგ განაცხადა.

ვაშაძის თქმით, საზოგადოების მოთხოვნაა პროპორციული არჩევნები და არა პარლამენტში ადგილებით ვაჭრობა.

„100-50-ზე ფუნდამენტურად არ ცვლის მიდგომებს არჩევნების თვალსაზრისით. საზოგადოების მოთხოვნა არის, პროპორციულად იყოს წარმოდგენილი ყველა ძალა პარლამენტში და არა ის, ვიღაცამ ივაჭროს ვის მეტი ადგილი ექნება და ვის ნაკლები.

იანვრიდან, ჩვენ უნდა დავიწყოთ საერთო ეროვნული წინაარმდეგობის მოძრაობა და „ქართულ ოცნებას“ უნდა მოვუწყოთ „განკითხვის დღე“, იმ არადამიანური პასუხებისთვის რაც ძალაუფლების ტკბობიდან გამომდინარე მათ აქვთ. პასუხისმგებელი ეს ხალხი არ არის ვინც მოლაპარაკებებზე ზის, პასუხისმგებელი ბიძინა ივანიშვილია და მას აუცილებლად მოვუწყობთ „განკითხვის დღეს“ ჩვენ დასავლელ პარტნიორებთან ერთად, რომლებიც უკვე პირდაპირ და ღიად აცხადებენ, რომ ფინანსური სანქციები უნდა იყოს ივანიშვილთან მიმართებაში“, - განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო