მმართველი პარტიის, ოპოზიციისა და დიპლომატიური კორპუსის წარმომადგენლებს შორის პოლიტიკური დიალოგის მორიგი რაუნდი მიმდინარეობს.

მხარეები მრავალმანდატიან ოლქებთან დაკავშირებით მოსაზრებებსა და არგუმენტებს ცვლიან.

როგორც შეხვედრის დაწყების წინ პარლამენტის თავმჯდომარემ ჟურნალისტებს განუცხადა, შეხვედრის შედეგები თითოეული მონაწილე პოლიტიკური პარტიის პოზიციაზეა დამოკიდებული.

 „წინა პოლიტიკური კონსულტაციების დროს იყო გაჟღერებული მოსაზრება მრავალმანდატიანი ოლქების შესახებ, რომელიც არსებული შერეული სისტემის ფარგლებში განიხილება. ეს არ მოდის წინააღმდეგობაში არსებულ კონსტიტუციასთან. დღეს ჩვენი შეხვედრის ძირითადი დრო დაეთმობა ამას, რომ არგუმენტები გავცვალოთ მრავალმანდატიან ოლქებთან დაკავშირებით და თუ რა შეთანხმება შეიძლება იყოს მიღწეული.როგორ გაგრძელდება მომავალში დიალოგი, ამას უკვე ვნახავთ შეხვედრის შემდეგ. წინასწარ კომენტარებს არ გავაკეთებ,  რადგან მეორე მხარეს არის ოპოზიცია, სხვადასხვა საპარლამენტო, არასაპარალამენტო პოლიტიკური პარტიები და შეხვედრის შედეგები მნიშვნელოვანწილად არის დამოკიდებული იმაზე, თუ რა პოზიციას დააფიქსირებს თითოეული პოლიტიკური პარტია. ჩვენ გვაქვს ჩვენი არგუმენტები და ამ არგუმენტებს გავაცნობთ მხარეებს",- განაცხადა არჩილ თალაკვაძემ.​

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო