„ „გერმანული მოდელის“ მაჟორიტარული ნაწილის განსახილველად გუნდში ვიმსჯელებთ და ვნახოთ როგორ გაგრძელდება“,- ამის შესახებ პარლამენტის ყოფილმა თავმჯდომარემ, ირაკლი კობახიძემ განაცხადა.

მან აღნიშნა, რომ  დიპლომატებმა ხელისუფლებას ე.წ. „გერმანული მოდელისგან“ დამოუკიდებელი საარჩევნო ცვლილება შესთავაზეს, რომელიც მხოლოდ მაჟორიტარულ არჩევნებს ეხება.

„ზოგადად, გვექნება გუნდში მსჯელობა ყველა ვერსიასთან დაკავშირებით და, მათ შორის, გუშინ შემოთავაზებულ ვარიანტთან დაკავშირებითაც. ვნახოთ, ამის მიხედვით საით წავა პროცესი. მათ ჰქონდათ წარმოდგენილი ვარიანტი გერმანული მოდელის ფარგლებში და გერმანული მოდელისგან დამოუკიდებლად საერთაშორისო პარტნიორებმა შემოგვთავაზეს ის ნაწილი, რომელიც მხოლოდ მაჟორიტარულ არჩევნებს ეხება. ამაზე იქნება მსჯელობა და ვნახოთ როგორ გაგრძელდება“,- განაცხადა ირაკლი კობახიძემ.

შეგახსენებთ, რომ მმართველი გუნდისა და გაერთიანებული ოპოზიციის დიალოგის მეორე რაუნდი საერთაშორისო საზოგადოების ჩართულობით გუშინ, 8 დეკემბერს, სასტუმრო „შერატონ მეტეხი პალასში“ შედგა, შეხვედრა დაახლოებით 5 საათის განმავლობაში მიმდინარეობდა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო