„ეს არის კიდევ ერთი უტიფარი სიცრუე, რომ ე.წ. გერმანული მოდელი კონსტიტუციას ეწინააღმდეგება“, - ასე გამოეხმაურა „ევროპული საქართველოს“ ერთ-ერთი ლიდერი გიგა ბოკერია მმართველი გუნდის დღევანდელ განცხადებებს.

როგორც ბოკერიამ აღნიშნა, გაუგებარია, რა არგუმენტების საფუძველზე აცხადებს ხელისუფლება, რომ ამ მოდელზე მსჯელობა შეუძლებელია.

„გვითხრან რაში ეწინააღმდეგება კონსტიტუციას. ის მოდელი რომელსაც ჩვენ ვთავაზობთ სწორედ მორგებულია ჩვენც კონსტიტუციაზე. დიახ, გერმანიაში არ არის ფიქსირებული რაოდენობა, მაგრამ ჩვენთან არის, თუ ამ დეტალს გულისხმობენ, მაგრამ ამასაც არ იძახიან. ვთხოვ ყველას, ბატონ ვოლსკის და ამ ბრძენ, დამოუკიდებელ პოლიტიკოსებს ივანიშილს რომ აუჯანყდნენ მათ შორის იმათ, კითხონ, რას გულისხმობენ კერძოდ“, - განაცხადა გიგა ბოკერიამ.

შეგახსენებთ, გუშინ ოპოზიციური პარტიების ლიდერებმა ხელისუფლებას არჩევნების ე.წ. გერმანული მოდელით ჩატარება მოსთხოვეს. როგორც მათ განმარტეს, ეს გულისხმობს იმას, რომ მაჟორიტარები იქნებიან, მაგრამ ჯამში ყველა პარტია იმდენ ადგილს მიიღებს, რამდენ ხმასაც მოაგროვებს მთელ ქვეყანაში. დღეს გამართული საპარლამენტო უმრავლესობის სხდომის შემდეგ, მმართველმა გუნდმა განაცხადა, რომ აღნიშნულ მოდელზე მსჯელობა შეუძლებელია, რადგან ის ქვეყნის კონსტიტუციას ეწინააღმდეგება.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება