2019-11-06 13:31:51, 1882 ნახვა

---

თალაკვაძე - ეკლესიაში მიმდინარე პროცესების უკან შესაძლოა, ის ძალები იდგნენ, ვინც წინა შემთხვევებში იყვნენ არეულობების უკან

„არ გამოვრიცხავ, რომ ამ პროცესების უკან დგანან ის  ადამიანები, რომლებიც წინა შემთხვევებში იყვნენ არეულობების უკან“, - ამის შესახებ განცხადება პარლამენტის თავმჯდომარემ, არჩილ თალაკვაძემ ბათუმში მიმდინარე უსაფრთხოების კონფერენციაზე შესვლამდე  გააკეთა.

მისი თქმით, პატრიარქს და ეკლესია მათი მხრიდან ძლიერი მხარდაჭერა აქვს.

„პატრიარქს და ეკლესიას ჩვენი ძლიერი მხარდაჭერა აქვს. არ გამოვრიცხავ, რომ ამ პროცესების უკან დგანან იგივე ადამიანები, რომლებიც წინა შემთხვევებში იყვნენ იმ არეულობების უკან, იყვნენ ასევე პარლამენტზე მიტანილი ძალადობრივი შეტევის უკან და პარლამენტის დისკრედიტაციის უკან. ვინაიდან, საერთო ხაზი, რაც აქ იკვეთება არის ის, რომ ამ მოვლენებს ქვეყანაში იმ მთავარი ინსტიტუტების დისკრედიტაცია და მათ წინააღმდეგ შეტევის მიტანა აერთიანებს“,- განაცხადა არჩილ თალაკვაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი