ზუგდიდის მუნიციპალიტეტის გამგებელმა ედიშერ თოლორაიამ და მხარის გუბერნატორმა ლევან შონიამ დღეს, რიყეში გზის სამშენებლო სამუშაოები დაათვალიერეს.

გამგეობის ინფორმაციით, ამ ეტაპზე მიმდინარეობს ორი მილ–ხიდის სრული რეაბილიტაცია. დღეს მოხდა ბეტონის მილების ჩამოტვირთვა, როგორც სამშენებლო კომპანიის წარმომადგენელმა აღნიშნა, ორივე მდინარეზე მოხდება თანამედროვე ხიდ–ბოგირების მოწყობა და გზა სრულად სექტემბრის ბოლომდე იქნება შეკეტებული.

როგორც გამგებელი ედიშერ თოლორაია აღნიშნავს სამშენებლო სამუშაოები დაგეგმილზე ადრე დასრულდება. სოფელში გზასთან ერთად მოეწყობა სანიაღვრე არხები და მთლიანად განათდება ზუგდიდი – რიყის დამაკავშირებელი ცენტრალური გზა.

პროექტი რეგიონალური განვითარების ფონდისა და მუნიციპალიტეტის გამგეობის თანადაფინანსებით ხორციელდება, რომლის ჯამიური ღირებულება 2 მილიონ 270 ათას ლარს შეადგენს.

გუბერნატორის ლევან შონიას განმარტებით მიმდინარე წელს მუნიციპალიტეტში ეს მეექვსე გზის მასშტაბური რეაბილიტაციაა. რიყის ადმინისტრაციულ ერთეულში გზა ბოლოს 1989 წელს შეკეთდა. ეს გზა, რამდენიმე სოფელს აერთიანებს, აქვს შიდა სახელმწიფოებრივი დატვირთვა და არის ყველაზე ძვირად ღირებული პროექტი. სამშენებლო სამუშაოებში ადგილობრივები დასაქმდებიან. გზის აღდგენითი სამუშაოების შემდეგ გადაადგილება გაუმარტივდებათ, როგორც ტრანსპორტით ასევე ქვეითად მოსიარულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა