საქართველოს თავდაცვის მინისტრმა ყვარელში კონფერენცია „მშვიდობა და უსაფრთხოება“ გახსნა. 

როგორც „ექსპრესნიუსს“ თავდაცვის სამინისტრიდან აცნობეს, სამხრეთ კავკასიის ნატოს საზაფხულო სკოლის სემინარი საქართველოს ატლანტიკური ხელშეკრულების ახალგაზრდული ასოციაციის (YATA) ორგანიზებით და ნატოს საჯარო დიპლომატიის სამსახურის (PDD) მხარდაჭერით იმართება. 
თინათინ ხიდაშელმა კონფერენციის მონაწილეებს სიტყვით მიმართა, საქართველოს ნატოში ინტეგრაციის პერსპექტივებზე ისაუბრა და ამ პროცესში ახალგაზრდების ჩართულობაზე გაამახვილა ყურადღება. 
„ძალიან მნიშვნელოვანია ახალგაზრდებთან მუდმივი კომუნიკაცია გვქონდეს. ჩემთვის დიდი პატივი იყო, როდესაც ეს მოსაწვევი მივიღე. მზად ვარ ნებისმიერ ორგანიზაციასთან, განსაკუთრებით კი ახალგაზრდებთან ვითანამშრომლო, როდესაც საქართველოში ვარ. რასაც არ უნდა ვაკეთებდეთ, მათთვის ვაკეთებთ, იმიტომ რომ უკეთესი მომავალი ჰქონდეთ, უკეთეს ქვეყანაში იცხოვრონ. შესაბამისად, მათი აზრი, დამოკიდებულება, პოზიციები და დისკუსიები განსაკუთრებით საინტერესოა. ახალგაზრდებს სხვაგვარი ტვინი აქვთ, სხვაგვარად ფიქრობენ“, - განაცხადა ხიდაშელმა. 

ყვარელში მიმდინარე კონფერენციაზე ისეთი თემები განიხილება, როგორებიცაა: ჩრდილოატლანტიკური ალიანსის მისია, რეგიონული და საერთაშორისო უსაფრთხოება, ნატო-რუსეთის და ნატო-უკრაინის ურთიერთობები, რუსეთის გავლენა სამხრეთ კავკასიაზე, რელიგიური ექსტრემიზმი სამხრეთ კავკასიაში და ISIS-ის საფრთხე მსოფლიოსთვის.
სემინარში ქართველი, სომეხი და აზერბაიჯანელი ახალგაზრდები მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: ტრამპმა შეწყვიტა რუსეთის ბრძოლის ველზე გამარჯვების რწმენა

ექსპრეს ლომბარდის სტანდარტი: ნივთის შეფასება სერტიფიცირებული ექსპერტების მიერ

FT: ევროკავშირი რუსეთის მიერ იმპორტის აკრძალვის შემდეგ სომხეთისთვის საგანგებო სავაჭრო დახმარების ზომებს ამზადებს

„დიდი შვიდეულის“ კომუნიკე - უნდა უზრუნველვყოთ, რომ ირანმა არასდროს შექმნას ბირთვული იარაღი