„აქ რაც ხდება, ეს არის ჩვეულებრივი სახე, როგორ იმარჯვებს სიმართლე სიცურეზე, რაც ეხლა აქ მოხდა“, - ამის შესახებ პრემიერ-მინისტრობის კანდიდატმა გიორგი გახარიამ პარლამენტში ფრაქცია „ნაციონალური მოძრაობის“ მიერ სხდომის შეწყვეტის შემდეგ განაცხადა.

მან საკუთარ თანაგუნდელებს მიმართა და აღნიშნა, რომ 20 ივნისს ოპოზიციის წევრები პარლამენტის პლენარულ სხდომათა დარბაზში იყვნენ გამაგრებული და ელოდებოდნენ, როდის მოახერხებდნენ მოქალაქეები შენობაში შეჭრას.

„ჩვენი მიზანი უნდა იყოს, რომ ყოველდღე სიმართლის საშუალებით ეს ხალხი ვამხილოთ. სხვა გზა ჩვენ არ გვაქვს. მაშინ, როდესაც ძალიან კარგად მახსოვს, 20 ივნისის ღამეს, ის ადამიანები აქ იყვნენ გამაგრებულები ამ დარბაზში და პირდაპირ ელოდებოდნენ, როდის შემოიჭრებოდა ის ხალხი აქ. ეს ერთი და მეორე - არ უნდა დაგვავიწყდეს ისიც, რომ ეს ის ადამიანები არიან, რომლებიც იჯდნენ საათებით და ითვლიდნენ რაც უფრო მეტი მსხვეპრლი და დაშავებული იქნებოდა, ეს უნდოდათ გამოეყენებინათ მათი პოლიტიკური ინტერესების მისაღწევად. ამის საშუალება უბრალოდ არ უნდა მივცეთ კოლეგებო, ეს იქნება ჩვენი ძირითადი ამოცანა“, - მიმართა გახარიამ თანაგუნდელებს.

შეგახსენებთ, ფრაქცია „ნაციონალური მოძრაობის“ სხდომა, სადაც პრემიერ-მინისტრობისა და მინისტრობის კანდიდატებისთვის უნდა მოესმინათ, შეწყდა. სხდომის შეწყვეტის გადაწყვეტილება თავად პარტიის წევრებმა მიიღეს.

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა