აჭარის მთავრობის თავმჯდომარე თორნიკე რიჟვაძე და აჭარის განათლების, კულტურის და სპორტის მინისტრი მაია ხაჯიშვილი ეწვივნენ სკოლას, სადაც ქვემო ვაშლოვანის სკოლის გოგონათა გუნდი მაგიდის ჩოგბურთში მსოფლიო სასკოლო ოლიმპიადისთვის ემზადება.

მთავრობის წარმომადგენლებმა სპორტსმენებს 4 საჩოგბურთო მაგიდა გადასცეს. თორნიკე რიჟვაძემ სპორტსმენ გოგონებს წარმატებები და საქართველოში გამარჯვებით დაბრუნება უსურვა.

ასევე, გადაწყდა, რომ რეაბილიტაცია ჩაუტარდება სკოლაში არსებულ მეორე სპორტულ დარბაზს, სადაც ახალი სასპორტო ინვენტარი განთავსდება. სკოლის ბაზაზე არსებულ სპორტის ამ სახეობას ხულოში, ახალგაზრდა სპორტსმენებს მინური რიჟვაძე ასწავლის, რომელმაც 2004 წლიდან  დღემდე 30-მდე ჩემპიონი გაზარდა.

სასკოლო სპორტული ოლიმპიადაში, რომელიც ჩინეთში 2020 წლის ოქტომბერში ჩატარდება, საქართველოდან 7 სკოლის გუნდი მიიღებს მონაწილეობას. აჭარის რეგიონიდან კი, მხოლოდ ქვემო ვაშლოვანის სკოლა იასპარეზებს.

ქვემო ვაშლოვანის საჯარო სკოლის გოგონათა გუნდის შემადგენლობაშია საქართველოს ეროვნული ნაკრების წევრი  თაკო და მარი რიჟვაძეები. დებთან ერთად ჩინეთში საქართველოს სახელით ლიზი რიჟვაძე და ნინო აბულაძეც წარსდგებიან. ოლიმპიადა სპორტის შვიდ სახეობაში ჩატარდება.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია