„თქვენ ვერ ხვდებით, რომ ამ უგუნური ქმედებით, რასაც ჩადიხართ, ქვეყანაში ის ძალადობრივი რეჟიმი მოგყავთ ისევ?! თუ ამას ვერ ხვდებით მეგობრებო, სახლში წადით და იმ ახალგაზრდებს დაუთმეთ გზა, ვინც ყოველგვარი პოლიტიკური დღის წესრიგის გარეშე დგას ქუჩაში“, - ასე მიმართა დეპუტატმა ეკა ბესელიამ საპარლამენტო უმრავლესობის წევრებს.

მან მმართველი გუნდის წევრები მწვავედ გააკრიტიკა და მიუთითა, რომ ისინი არა ოპოზიციის, არამედ ხალხის საპირისპირო მხარეს აღმოჩდნენ.

„მე მივმართავ „ქართული ოცნების“ იმ წევრებს, ვისაც მივიჩნევ ჯერ კიდევ იმ ადამიანებად, ვისაც აქვს განცდა იმისა, რას ნიშნავს ადამიანის უფლებები და სამართლიანობა, ვისაც უბრძოლია და ვისაც 7 ნოემბერიც გაუვლია, 26 მაისიც, 6 მაისიც და ბევრი სხვა რამ. თქვენ მართლა ვერ ხვდებით რა ხდება ქვეყანაში? ხალხო თქვენ ვერ აცნობიერებთ რომ თქვენს პირისპირ დადგა არა ის ადამიანები, ვინც ეხლა დარბაზიდან გავიდნენ, არამედ ხალხის პირისპირ აღმოჩნდა დღეს მმართველი პარტია. მე მაინტერესებს, იმ ადამიანებს ვეკითხები ვინც ქუჩაში და ჩემთან ერთად იბრძოდა თავისუფლებისთვის. თქვენ ვერ ხვდებით ეხლა, რომ ამ უგუნური ქმედებით, რასაც ჩადიხართ, ამ ვითომ გადაფარებით, რომ მოგყავთ ქვეყანაში ის ძალადობრივი რეჟიმი ისევ?! თუ ამას ვერ ხვდებით მეგობრებო, სახლში წადით და იმ ახალგაზრდებს დაუთმეთ გზა, ვინც ყოველგვარი პოლიტიკური დღის წესრიგის გარეშე დგას ქუჩაში“, - განაცხადა ბესელიამ.

დეპუტატმა საპროტესტო აქციის დაშლაზეც გაამახვილა ყურადღება და „ოცნების“ დეპუტატებს ჰკითხა, რატომ არ იდგნენ 20-21 ივნისის ღამეს მოქალაქეების გვერდით. მანვე დასძინა, რომ მომხდარის გამო, შს მინისტრმა პასუხისმგებლობა უნდა აიღოს.

„სად იყავით იმ ღამეს, სადაც პოლიციელები, რომლებიც იგერიებდნენ რამდენიმე საათი თავდასხმას. სად იყავით როდესაც მაკოს და 21 წლის გოგოს თვალებს რომ თხრიდნენ, როდესაც აღარ იყო პარლამენტში შემოჭრის საფრთხე, სად იყავით მაშინ?! ოთახში კი ნუ იმალებოდი მიშა [მიხეილ ყაველაშვილი] ქუჩაში უნდა გასულიყავი და გადაფარებოდი იმ ბავშვებს, ვისაც თვალი დათხარეს. ხმას დაუწიეთ! სკამების გამო ნუ დაკარგეთ სახე! გასულიყავით გარეთ და იმ ბავშვებს გადაფარებოდით, რომლებსაც დასდევნენ, არ ვიცი ვისი ბრძანებით. რა გინდათ, თქვათ რომ ჩემიანი თუ აკეთებს ყველაფერი მოსულა? ეხლა რომ მიყურებთ ესე ურცხვად, ამიტომ არის ტოლობის ნიშანი თქვენსა და იმ მოძალადეებს შორის, რომლებიც ასე იქცეოდნენ. სადარბაზოებში აქციის მონაწილეების ცემასა და დევნაზე არ მიგაჩნიათ რომ პასუხისმგებლობა უნდა აიღოს მინისტრმა? ან იმ სავარძელში გავრილოვი რომ ჩასკუპდა, არც ერთს არ გეყოთ გონიერება რომ არ შეიძლებოდა იმ ღონისძიების დაგეგმვა? სად იყავით რომელიმე, რომ ასულიყავით და ჩამოგეყვანათ ის ადამიანი, ან მაშინ სად იყავით რომ გეუბნებოდით ეს კობახიძე გადაწვავს ამ პარლამენტს თქო?! თუ მართლა ცეცხლის ალში უნდა გაეხვია აქაურობა რომ მიხვედრილიყავით რა ხდებოდა?!

არაფრის მომცემი გადაფარება, ეს წყალგასული ბოდიშები, რომელიც არაფერს არ გავს გარდა იმისა, რომ ჩვენ ყველაფერი გვეპატიება, ეს ყველაფერი მთავრდება ძალიან ცუდად. თუ თქვენ ვერ გრძნობთ, ხალხის წინაშე როგორ დგახართ საპირისპირო მხარეს, მაშინ შედეგი კიდევ უფრო მძიმე იქნება. მე მადარდებს ის, რომ წარსულში დაბრუნების საფრთხეს ვხედავ“, - განაცხადა ეკა ბესელიამ.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს