„ვინც დღეს ქალბატონ ლონდას დაუჭერს მხარს, ბავშვების იმ არაადამიანურ მოპყრობაზე აიღებს პასუხისმგებლობას,  რომელიც  ამ ქალბატონის საზედამხედველო პროკურორის ფუნქციების შესრულების დროს ხდებოდა“ - ამის შესახებ  პარლამენტის დამოუკიდებელმა დეპუტატმა ლევან გოგიჩაიშვილმა პარლამენტის პლენარულ სხდომაზე ისაუბრა, რომელმაც დღეს სახელმწიფო ინსპექტორის თანამდებობაზე ლონდა თოლორაიას დანიშვნაზე უნდა იმსჯელოს.

 გოგიჩაიშვილი აღნიშნავს, რომ თოლორაია პროკურატურაში არასრულწლოვანების მართლმსაჯულების პროცესს 2010-2012 წელსი  ხელმძღვანელობდა, როდესაც არასრულწლოვნების მიმართ არაადამიანური მოპყრობა პიკში იყო.

„მე მინდა მივმართო იმ ადამიანებს, ვისთვისაც ადამიანის უფლებებისთვის ბრძოლა მნიშვნელოვანი იყო: დღეს თქვენ მხარი უნდა დაუჭიროთ იმ კანდიდატურას, რომელიც 2010 წლიდან ადეიშვილის პროკურატურაში არასრულწლოვანების მართლმსაჯულების პროცესს ხელმძღვანელობდა. განსაკუთრებით პიკში იყო წამება და არაადამიანური მოპყრობა არასრულწლოვნების 2010-2012-ში. დღეს თქვენ მხარი ქალბატონ ლონდას უნდა დაუჭიროთ, რომელიც ადეიშვილის გაზრდილი პროკურორია და რომლის დროსაც განსაკუთრებულად აწამებდნენ არასრულწლოვნებს, განსაკუთრებულად გლდანის მე-8 პენიტენციალურ სისტემაში და იმ ადგილებში , სადაც ისინი სასჯელს იხდიდნენ. ძალიან დიდი სირცხვილია, როდესაც ამ კანდიდატურების წამოწევა და წახალისება ხდება. მე ვფიქრობ, ვინც დღეს ქალბატონ ლონდას დაუჭერს მხარს, ბავშვების იმ არაადამიანურ მოპყრობაზე აიღებს პასუხისმგებლობას,  რომელიც  ამ ქალბატონის საზედამხედველო პროკურორის ფუნქციების შესრულების დროს ხდებოდა“, - განაცხადა ლევან გოგიჩაიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„Geely - შენი სპონტანური მოგონებებისთვის“ - „ჯილი ცენტრი თეგეტამ“ საზაფხულო კამპანია დაიწყო

Euromoney-იმ საქართველოს ბანკი მცირე და საშუალო ბიზნესისთვის ცენტრალური და აღმოსავლეთ ევროპის საუკეთესო ციფრულ ბანკად დაასახელა

Global Finance-მა BOG ფინანსურ სექტორში AI-ის დანერგვისთვის საუკეთესოდ დაასახელა

საპოლიციო ძალადობა სისტემის ყოველდღიურობის შემადგენელ ნაწილად იქცა - SJC