2015-07-01 14:52:37, 1124 ნახვა
მსოფლიო
საბერძნეთი მზადაა, საერთაშორისო კრედიტორების გარკვეული წინადადებები მიიღოს
საბერძნეთის პრემიერ-მინისტრის ალექსის ციპრასის განცხადებით, ქვეყანა მზადაა საერთაშორისო კრედიტორების გარკვეული წინადადებები მიიღოს.
Financial Times-ის ინფორმაციით, ციპრასი მზადაა კრედიტორების პირობები იმ შემთხვევაში მიიღოს, თუ საბერძნეთის კუნძულებისთვის დღგ-ს შემცირებული გადასახადი შენარჩუნდება და საპენსიო ასაკის გაზრდის ვადა გადაიწევა.
გუშინ საერთაშორისო სავალუტო ფონდმა ოფიციალურად დაადასტურა, რომ საბერძნეთმა დადგენილ ვადაში 1,6 მილიარდი ევროს ოდენობის ვალი არ გადაიხადა.
მხარეებს შორის მოლაპარაკებები დღესაც მიმდინარეობს. საბერძნეთმა ევროპელ კრედიტორებს ქვეყანაში შექმნილი კრიზისიდან გამოსვლის ახალი გეგმა შესთავაზა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
