2019-05-22 17:53:59, 1345 ნახვა
სამართალი
ხორავას ქუჩის საქმეზე ცრუ ჩვენებისთვის ბრალდებულ დ.ღ-ს 2 წლითა და 3 თვით თავისუფლების აღკვეთა შეეფარდა
თბილისის საქალაქო სასამართლომ, ხორავას ქუჩის საქმეზე ცრუ ჩვენების ბრალდებით დაკავებულ დ.ღ-ს პატიმრობა მიუსაჯა.
დ.ღ.-ს სასჯელის სახით, 2 წელი და 3 თვე შეეფარდა. ის სასამართლო დარბაზში დააკავეს. აღსანიშნავია, რომ დ.ღ-ს პატიმრობაში გატარებული 6 თვე სასჯელის მოხდად ჩაეთვლება და საპატიმროში ის 1 წელს და 9 თვეს გაატარებს.
შეგახსენებთ, 2017 წლის ივლისში დ.ღ. დააკავეს. გამოძიებით დადგინა, რომ არასრულწლოვანი ფაქტობრივ გარემოებებთან დაკავშირებით მოკლული დავით სარალიძის მამას ესაუბრა, თუმცა, შინაგან საქმეთა სამინისტროს ცნობით, სასამართლო განხილვის სტადიაზე მან მსგავსი შეხვედრა და საქმის ფაქტობრივ გარემოებებზე საუბარი უარყო.
ცნობისთვის, დ.ღ სასამართლომ 16 მაისს დამნაშავედ ცნო
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
