ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ ეკონომიკის ყოფილი მინისტრის გიორგი ქობულიას პარლამენტში ვიზიტს უმრავლესობა არ უნდა დაესწროს.

მდინარაძე აღნიშნავს, რომ საზოგადოება ქობულიას პოსტიდან წასვლის შესახებ სრულადაა ინფორმირებული და ეს ყველაფერი უბრალოდ „ნეგატიური პიარის“ ნაწილია.

„მე მგონია, რომ მმართველი გუნდის წარმომადგენლები ამ შეხვედრას არ უნდა დაესწრონ და ეს გადაწყვეტილებაც იქნება მიღებული. გამომდინარე იქიდან, რომ გუნდიდან წასული დეპუტატების და გუნდიდან წასული მინისტრების შეხვედრაზე ჩვენ მგონია, რომ არაფერი გვესაქმება და ასევე საზოგადოებამ უკვე იცის და ხვდება კარგად კონკრეტულ მიზეზებს თუ რატომ გადადგა კონკრეტული ადამიანი თანამდებობიდან. დანარჩენი არის ნეგატიური პიარის ნაწილი, რაც მათი საქმეა, მათი უფლებაა. ყოველ შემთხვევაში განაწყენებული, გუნდიდან წასული ადამიანების შეკრებას ბუნებრივია ჩვენ არ დავესწრებით“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება