2015-06-28 11:05:55, 669 ნახვა
საზოგადოება
მეტროპოლიტენში შეფერხება დაბალმა ძაბვამ გამოიწვია
თბილისის მეტროპოლიტენში დილიდან შეფერხება იყო, რომელიც დაახლოებით, 2 საათს გაგრძელდა. მიზეზი წინასწარი ინფორმაციით, მაღალი ძაბვის სახაზო გამთიშველის მწყობრიდან გამოყვანა გახდა. ელექტროენერგიის მიწოდება შეწყვეტილი არ იყო, თუმცა, ძაბვა ვაგონების გადაადგილებას ვერ უზრუნველყოფდა.
როგორც "ექსპრესნიუსს" "თბილისის სატრანსოპორტო კომპანიაში" განუცხადეს, უახლოეს საათებში კომპანია მეტროპოლიტენის მოძრაობის შეფერხებასთან დაკავშირებით, განცხადებას გაავრცელებს.
ამ დროისთვის, თბილისის მეტროპოლიტენი ჩვეულ რეჟიმში მუშაობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
