2015-06-27 11:16:58, 611 ნახვა
საზოგადოება
ვახტანგ გომელაურმა სახელმწიფო დაცვის თანამშრომლებს დაარსებიდან 21 წლის იუბილე მიულოცა
შინაგან საქმეთა მინისტრმა ვახტანგ გომელაურმა სახელმწიფო დაცვის სპეციალური სამსახურის თანამშრომლებს დაარსებიდან 21 წლის იუბილე მიულოცა.
„ძალიან ბევრი წლები გავატარე ამ სამსახურში. 1994 წლიდან 2002 წლამდე ვმუშაობდი აქ და ძალიან ბევრი ვისწავლე. მინდა მივულოცო დღევანდელი დღე, მათ წარმატებებს და წინსვლას ვუსურვებ, ასევე ყველა იმ თანამშრომელს ვინც მსახურობს სახელმწიფო დაცვის სამსახურში“,-განაცხადა ვახტანგ გომელაურმა.
ცნობისთვის, სახელმწიფო დაცვის სპეციალურმა სამსახურმა დაარსებიდან 21-ე წლისთავი აღნიშნა. სახელმწიფო დაცვის სასწავლო ცენტრში 140-მა ახალწვეულმა საზეიმო ფიცი დადო. ღონისძიებას საქართველოს პრეზიდენტი, პრემიერ-მინისტრი და შინაგან საქმეთა მინისტრი დაესწრო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
