„ჩვენ  არანაირი პატარა საფუძველი არ გვაქვს ვივარაუდოთ, რომ  ინვესტორები გადიან და ინვესტიციებს აღარ დებენ“,  – ამის შესახებ ეროვნული საინვესტიციო სააგენტოს ხელმძღვანელმა გიორგი პერტაიამ ჟურნალისტებს პირველ კვარტალში გასული წლის მაჩვენებლებთან შედარებით პირდაპირი უცხოური ინვესტიციების მოცულობის შემცირების საკითხის კომენტირებისას განაცხადა. 

მისივე თქმით, პირველი კვარტლის მონაცემები საკმარისი არ არის, რომ კონკრტული ტენდენციები გამოიკვეთოს. 
„კვარტალების დონეზე პირდაპირი უცხოური ინვესტიციების შედარება სწორი არ იქნება, რადგან, ტრენდს ვერ ვხედავთ, რომ რაღაც მცირდება. რეალურად შეიძლება იყოს ბევრი მიზეზი, თუ რატომ შემცირდა ინვესტიციების მოცულობა. ჩვენ წინა წლის მეორე კვარტალში გვქონდა იმაზე ნაკლები, ვიდრე წელს პირველ კვარტალში, მაგრამ ნახეთ, რომ წლის ბოლოს გვქონდა ძალიან დიდი ზრდა ინვესტიციებში. საუბარი იმაზე, რომ რაიმე პრობლემაა ინვესტიციების კუთხით, ალბათ ჯერ ადრეა. ამისათვის აუცილებელია მინიმუმ სამი კვარტლის მონაცმეების შედარება. ჩვენ არანაირი პატარა საფუძველიც არ გავქვს, ვივარაუდოთ, რომ რაღაც ცუდი სიტუაციაა, ან ინვესტორები აქედან გადიან, აღარ დებენ ინვესტიციებს, ან თავიანთ პროექტებზე უარს აცხადებენ. ასეთი რამ არ ხდება, უფრო მეტიც, ველოდებით, რომ წლის ბოლოს საკმაოდ პოზიტიური ციფრი გვექნება“, – აღნიშნა პერტაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.