„ოცნების“ მარნეულის მერობის კანდიდატი ზაურ დარგალი იქნება

2019-03-25 13:34:13, 1493 ნახვა

რეგიონი

„ქართული ოცნების“ მარნეულის მერობის კანდიდატი,ეთნიკურად აზერბაიჯანელი, ზაურ დარგალი იქნება, - ამის შესახებ პოლიტიკური გაერთიანება „ქართული ოცნება – დემოკრატიული საქართველოს“ პოლიტიკური მდივნმა ირაკლი ღარიბაშვილმა განაცხადა.

მისი თქმით, ზაურ დარგალი დიდი ხანია აქტიურად არის ჩართული „ქართული ოცნების“ პოლიტიკური გუნდის საქმიანობაში.

„მარნეულში მე მინდა წარმოგიდგინოთ ბატონი ზაურ დარგალის კანდიდატურა. ბატონი ზაური არის გამორჩეული ახალგაზრდა. იგი არის დიდი ხანია აქტიურად არის ჩართული ჩვენი პოლიტიკური გუნდის საქმიანობაში. მას დღემდე უკავია ქვემო ქართლის გუბერნატორის მოადგილის თანამდებობა. ზაურს აქვს ქვემო ქართლში წარმატებული მუშაობის ძალიან დიდი გამოცდილება, ის არის ნათელი სახე, ეთნიკურად აზერბაიჯანელი, ჩვენი სამშობლოს საამაყო შვილი. გვჯერა, მარნეულის მუნიციპალიტეტის საქმიანობას ის ასეთივე წარმატებით გაუძღვება“, – განაცხადა ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან