ამერიკის შეერთებული შტატების პრეზიდენტის პრესმდივნის სარა სანდერსის განცხადებით, დონალდ ტრამპის გაპრეზიდენტება ღმერთს სურდა. ამის შესახებ სანდერსმა ქრისტიანული მაუწყებლობის კავშირისთვის - CBN-სთის მიცემულ ინტერვიუში განაცხადა.

„სხვადასხვა დროს ღმერთი მოგვიწოდებს, სხვადასხვა როლი შევასრულოთ. ვფიქრობ, მას სურდა, რომ დონალდ ტრამპი პრეზიდენტი გამხდარიყო”, - განაცხადა სარა სანდერსმა.

თეთრი სახლის წარმომადგენელმა სირიაზეც ისაუბრა.

„პრეზიდენტმა ნათლად თქვა, რომ ჩვენ მხარს ვუჭერთ ქრისტიანებს, მხარს ვუჭერთ ქურთებს. ისინი, ვინც ამბობენ, რომ პრეზიდენტი პრობლემებს ყურადღებას არ აქცევს, უბრალოდ ვერ ხვდებიან ფუნდამენტური გადაწყვეტილებების მიზანს”, - ამბობს სარა  სანდერსი. 

გარდა ამისა, სანდერსი წარმომადგენელთა პალატის სპიკერის ნენსი პელოზის განცხადებასაც გამოეხმაურა, რომლის თანახმადაც აშშ-მექსიკის საზღვარზე კედლის აშენება ამორალურია და აღნიშნა, რომ „სასაცილოა იმის თქმა, რომ შენი ხალხის დაცვის იდეა, რაც აშშ-ს პრეზიდენტის მოვალეობაა, ამორალურია“. 

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით