საქართველოს არხების კონკურენტუნარიანობის გაზრდის მიზნით, მიმდინარე წლიდან შავ ზღვაზე საბორნე და ფიდერული გადაზიდვების განვითარებას დავიწყებთ, - ამის შესახებ საქართველოს ეკონომიკისა და მდგრადი განვითარების მინისტრმა, გიორგი ქობულიამ  კონფერენციაზე „საქართველო და მსოფლიო 2019 წელს" ისაუბრა, რომელიც ბრიტანული ჟურნალის THE ECONOMIST-ის წლიური გამოცემის „მსოფლიო 2019"- ის ეგიდით იმართება.

გიორგი ქობულიას ინფორმაციით, საქართველოს საზღვაო-სატრანზიტო პოტენციალის თვისების მიზნით არაერთი ღონისძიებაა დაგეგმილი, მათ შორის სანავსადგურო ინფრასტრუქტურის განვითარება, რაც სხვა გეგმებთან ერთად ანაკლიის ახალი პორტის გარდა ფოთისა და ბათუმის ნავსადგურების გაფართოება-განვითარებას მოიცავს. ამ მიზნით ასევე იგეგმება ძალიან მნიშვნელოვანი პროგრამის განხორციელება, რომელიც, სხვა მრავალ მიმართულებას შორის, ასევე გულისხმობს საქართველოს პორტების განვითარებას,  მაღალხარისხიანი საპორტო სერვისების  (ბუნკერინგი, ქეითერინგი და სხვა) შექმნას.

„ერთ-ერთი მნიშვნელოვანი მიმართულება, რომელსაც ეკონომიკისა და მდგრადი განვითარების სამინისტრო მომავალ საქმიანობაში განსაკუთრებულ პრიორიტეტს ანიჭებს, საქართველოს, როგორც საზღვაო ქვეყნის იმიჯის ამაღლება და მის ფარგლებში საზღვაო პოტენციალის სრულად ათვისებაა", - აღნიშნა ეკონომიკისა და მდგრადი განვითარების მინისტრმა.

გიორგი ქობულიას განცხადებით, განსაკუთრებული ყურადღება დაეთმობა საზღვაო აკადემიის განვითარებას, ქართველ მეზღვაურთა დასაქმების ხელშეწყობა და საზღვაო განათლების დახვეწას.

ამასთან, ერთ-ერთი მნიშვნელოვანი მიმართულება, რომელიც, მინისტრის შეფასებით,  მნიშვნელოვან მხარდაჭერას საჭიროებს, არის საქართველოს საფინანსო ინსტიტუტებში საზღვაო ფინანსირების მოდელის დანერგვა და საზღვაო დაზღვევა, ასევე საშეღავათო საგადასახადო სისტემის შექმნა საზღვაო ინვესტიციების მოსაზიდად.

(NS)

ავტორი: ,

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ