Facebook-ი გეგმავს, რომ მესენჯერს, ინსტაგრამსა და Whatsapp-ს შორის კომუნიკაცია შესაძლებელი გახადოს, - ამის შესახებ ინფორმაციას BBC New York Times-ზე დაყრდნობით ავრცელებს.

მედია საშუალების ინფორმაციით, ყველა პლატფორმას საკუთარი დამოუკიდებელი აპლიკაცია ისევ ექნება, თუმცა Facebook-ი აპლიკაციების ინფრასტრუქტურის განახლებით მომხმარებლებს საშუალებას მისცემს, რომ, მაგალითად, Messenger-იდან შეტყობინებები მეგობარს Whatsapp-ში გაუგზავნონ, ან პირიქით და ეს იმ შემთხვევაშიც კი, თუ თუ აპლიკაცია ტელეფონში ჩაწერილი არ ექნებათ.

New York Times-ი ამტკიცებს, რომ ხსენებული ინიციატივა Facebook-ის შემქმნელს მარკ ცუკერბერგს ეკუთვნის.

მედიის ცნობით, მესენჯერების დაკავშირება 2019 წლის ბოლოს ან 2020 წლის დასაწყისში მოხდება.

"ჩვენ ამაზე ვმუშაობთ. გვსურს, რომ ჩვენი სერვისების მომხმარებლებს კომუნიკაცია გავუმარტივოთ. თუ მომხმარებელი ერთი აპლიკაციით სარგებლობს მას შეუძლია მეგობრებს ეკონტაქტოს, მიუხედავად იმისა, სარგებლობას თუ არა სხვა სერვისებით", - აცხადებს Facebook-ის წარმომადგენელი BBC-სთან ინტერვიუში.

ავტორი: ,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან