თბილისის მერიის გარემოს დაცვის საქალაქო სამსახურის ინიციატივით, დედაქალაქს უცხოელი ექპერტები ეწვივნენ, რომლებიც დაავადებული ფიჭვების საკითხს შეისწავლიან. მათი ვიზიტის  მთავარი მიზანი დაავადების გავრცელების პრევენცია და ჯანსაღი კორომების გადარჩენაა.

უცხოელ ექსპერტებს დღეს, გარემოს დაცვის საქალაქო სამსახურის ხელმძღვანელი გიგა გიგაშვილი შეხვდა  და მათთან ერთად, რამდენიმე ლოკაციაზე იმყოფებოდა.

ესპანელმა ბიოლოგმა, მარია ხოსე ბრიონგოსმა და ქართველმა ექპერტებმა დაავადებული მცენარეები ადგილზე შეისწავლეს. სპეციალისტებმა ასევე, აიღეს ნიმუშები, რომლებსაც ლაბორატორიული კვლევა ესპანეთში და ევროკავშირში აკრედიტებულ სხვა ლაბორატორიებში ჩაუტარდება.

თბილისის შემოგარენში და საქართველოს რეგიონებში ფიჭვების ინტენსიური ხმობა დაახლოებით, 20 წლის წინ, 1997-1998 წლებიდან დაიწყო. დედაქალაქის მერია აღნიშნულ პრობლემას სისტემატურად ებრძვის და დაავადებული ხე-მცენარეების წამლობას, ასევე, ხმელი და ზეხმელი მერქნიანი მცენარეების სანიტარულ ჭრას ახორციელებს.

გარემოს დაცვის საქალაქო სამსახურმა თბილისის ტერიტორიაზე არსებული ხეების სანიტარული ჭრა ოქტომბრის ბოლოდან დაიწყო, რის შედეგადაც, ჯამში, 20 000 ძირი ხმელი და ზეხმელი ხე მოიჭრება. მას შემდეგ, რაც სანიტარული ჭრები დასრულდება, 2019 წლიდან, აღნიშნული ტერიტორიების აღდგენა და ხელახალი განაშენიანება დაიწყება.

(NS)

ავტორი: ,

სოციალური ქსელები

შსს: ხორავას ქუჩაზე 4 პირი დაჭრეს, ერთ-ერთი არასრულწლოვანი კლინიკაში გარდაიცვალა

იუმორისტ ონისე ოქრიაშვილს სახლთან 3 პირი ფიზიკურად გაუსწორდა

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა