" ეს არის მართლა ძალიან დიდი აღიარება იმ სწორი პოლიტიკისა,  რომელსაც ჩვენ ბოლო 2 წლის განმავლობაში ვახორციელებთ",- ასე შეაფასა პრემიერ-მინისტრმა ირაკლი ღარიბაშვილმა 2015 წლის კანონის უზენაესობის ინდექსის მონაცემები, რომლის თანახმად, საქართველო მსოფლიოში 29-ე ადგილს იკავებს.

პრემიერი მიიჩნევს, რომ გაუმჯობესებელი მაჩვენებელი არის პასუხი კრიტიკოსებისა და სკეპტიკოსების კითხვაზე, როგორ მუშაობს საქართველოს მთავრობა.

საქართველო, კანონის უზენაესობის ინდექსის მიხედვით, პირველ პოზიციას იკავებს აღმოსავლეთ ევროპისა და ცენტრალური აზიის რეგიონში.

მთავრობის მეთაურმა აღნიშნა, რომ ინდექსის თანახმად, საქართველო, კანონის უზენაესობის მაჩვენებლის მიხედვით წინ უსწრებს ევროკავშირის წევრ ისეთ ქვეყნებს, როგორებიცაა იტალია, რუმინეთი, საბერძნეთი, ხორვატია, უნგრეთი.

"კანონის უზენაესობის ინდექსით საქართველო მსოფლიოში 29-ე ადგილს იკავებს, ეს არის პასუხი კრიტიკოსებისა და სკეპტიკოსების მიმართ, თუ როგორ მუშაობს საქართველოს მთავრობა. გეტყვით, რომ ინდექსის თანახმად,  საქართველო წინ უსწრებს ევროკავშირის ისეთ ქვეყნებს, როგორიცაა იტალია, რუმინეთი,  საბერძნეთი,  ხორვატია,  უნგრეთი. ასევე გეტყვით, რომ საქართველო კანონის უზენაესობის ინდექსის მიხედვით პირველ პოზიციას იკავებს აღმოსავლეთ ევროპისა და ცენტრალური აზიის ქვეყნებში. მინდა გითხრათ, რომ კანონის უზენაესობის შესაფასებლად გამოყენებული ფაქტების თანახმად, საქართველოს ყველაზე  მაღალი მაჩვენებელი კორუფციის არ არსებობის კუთხით აქვს,  რომლის მიხედვითაც,  მსოფლიო რეიტინგში 42 პოზიციას ვიკავებთ. ასევე გამოვირჩევით, ღია მმართველობის მაღალი მაჩვენებლით, მსოფლიოში 29-ე ადგილზე ვართ, წესრიგის და უსაფრთოხების მაჩვენებლის მიხედვით, 42-ე ადგილს ვიკავებთ, ეს არის მართლა ძალიან დიდი აღიარება იმ სწორი პოლიტიკის,  რომელსაც ჩვენ ბოლო 2 წლის განმავლობაში ვახორციელებთ",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან