საქართველოს ვიცე-პრემიერი და შინაგან საქმეთა მინისტრი, გიორგი გახარია რუმინეთის შინაგან საქმეთა სამინისტროს სახელმწიფო მდივანს, გეორგე ნუკე მარინის შეხვდა.

გიორგი გახარიამ რუმინეთის მხარეს საქართველოს ევროპული და ევროატლანტიკური ინტეგრაციის პროცესში დახმარებისა და საქართველოში ევროკავშირის სადამკვირვებლო მისიის (EUMM) მხარდაჭერისთვის მადლობა გადაუხადა.

მხარეებმა ორი ქვეყნის შინაგან საქმეთა სამინისტროებს შორის არსებულ თანამშრომლობასა და სამომავლო ურთიერთობის გაღრმავებაზე ისაუბრეს.

საქართველოს შინაგან საქმეთა მინისტრის მოადგილემ, ნინო ჯავახაძემ და გეორგე ნუკე მარინმა ხელი მოაწერეს საქართველოსა და ევროკავშირს შორის გაფორმებული რეადმისიის შეთანხმების საიმპლემენტაციო ოქმს, რომელიც ორ ქვეყანას შორის არარეგულარული მიგრაციის მართვას ხელს შეუწყობს.

(NS)

ავტორი: ,

სოციალური ქსელები

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით