2015-06-09 14:59:27, 405 ნახვა
პოლიტიკა
დავით უსუფაშვილი: როგორც საკუთარი არმია უნდა იყოს საამაყო, ასევე უნდა იყოს საჯარო სამსახური
საქართველოს პარლამენტის თავმჯდომარე დავით უსუფაშვილმა საჯარო სამსახურის შესახებ კანონპროექტზე ისაუბრა.
უსუფაშვილის მოსაზრებით, კანონმდებლობა დასახვეწია და შესაბამისი კანონპროექტი პარლამენტში განსახილველად უახლოეს მომავალში შევა.
"საჯარო სამსახურის სწორი გამართვა, საჯარო მოხელეთათვის სათანადო სამართლებრივი გარანტიების შექმნა, როგორც მათი სამსახურებრივი წინსვლისთვის, ისე მათი კვალიფიციური მოთხოვნები, შრომის ანაზღაურების ერთიანი სისტემა, კარიერული წინსვლის სისტემა, სამინისტროდან სამინისტროში, თუ უწყებიდან უწყებაში გადასვლისას რა ხდება და ა.შ. ეს არის ძალიან სერიოზული თემა. რაც შეეხება ჯარისკაცებს, მე ვახსენე ის, რომ ქვეყნისთვის როგორც საკუთარი არმია უნდა იყოს საამაყო, ასევე უნდა იყოს საჯარო სამსახური",-განაცხადა დავით უსუფაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
