საქართველოში არსებული გარემოსდაცვითი მდგომარეობა, მოსალოდნელი რეფორმები და ინოვაციური იდეები, - იუსტიციის სამინისტროს სსიპ „დანაშაულის პრევენციის ცენტრის“ ახალგაზრდული პროგრამების მონაწილეებისთვის „გარემოსდაცვითი საათი“ ჩატარდა.

შეხვედრა თბილისის მედიათეკების გაერთიანების ნაძალადევის ფილიალში გაიმართა, რომელსაც ცენტრის დირექტორი თათია ხოჭოლავა დაესწრო.

სოციალური საწარმო „მწვანე საჩუქრის“ წარმომადგენლებმა ახალგაზრდებს საკუთარი საქმიანობა გააცნეს. საწარმო ხელს უწყობს ქვეყნაში არსებული ნარჩენების მართვის სისტემის განვითარებას, განსაკუთრებით კი ნარჩენების შეგროვებისა და გადამუშავების კულტურის პოპულარიზაციას. ახალგაზრდები ასევე გაეცნენ  გარემოს დაცვით პრობლემებს, გამომწვევ მიზეზებს, მოსალოდნელ შედეგებსა და პრობლემების გადაჭრის გზებს. შეხვედრას ის ახალგაზრდები დაესწრნენ, რომლებიც 15 სექტემბერს ნაძალადევის რაიონში დასუფთავების აქციაში მონაწილეობდნენ. სსიპ „დანაშაულის პრევენციის ცენტრის“ დირექტორმა თათია ხოჭოლავამ ცენტრისა და გამგეობის სახელით ახალგაზრდებს მადლობის სიგელები გადასცა. მსგავსი შეხვედრის მიზანი გარემოსდაცვით საკითხებზე ახალგაზრდების ცნობიერების ამაღლება, მათ მიერ გაწეული შრომის წახალისება და გარემოზე ზრუნვაა. 

სსიპ „დანაშაულის პრევენციის ცენტრის" მიმართულებებია არაფორმალური განათლების საშუალებით ახალგაზრდებში ჯანსაღი ცხოვრების წესის პოპულარიზაცია, შემოქმედებითი ინიციატივების განვითარება, მოხალისეობის მხარდაჭერა, სამართლებრივი/სამოქალაქო ცნობიერების ამაღლება და სხვა.

(NS)

ავტორი: ,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს