საქართველოს პრემიერ-მინისტრის ირაკლი ღარიბაშვილის განცხადებით, ნაფიც მსაჯულთა ინსტიტუტმა სრული კრახი განიცადა. 

ამის შესახებ ღარიბაშვილმა ჟურნალისტებს განუცხადა. 

ღარიბაშვილის თქმით, მისთვის შემაშფოთებელია, რომ მკვლელობაში ბრალდებული პირის გასამართლება  ვერ ხდებოდა.

„ჩვენ ვიხილეთ, რომ ნაფიცი მსაჯულების ინსტიტუტმა სრული კრახი და კოლაფსი განიცადა.  ვალდებული ვართ, რომ ამას გადავხედოთ და გამოვასწოროთ ის ხარვეზი, რაც არსებობს. სახელმწიფომ ეს უნდა უზრუნველყოს, როგორ და რა მეთოდებით ამას შესაბამისი ორგანოები უზრუნველყოფენ“,-განაცხადა ირაკლი ღარიბაშვილმა. 

ლაშა მახარაძის მკვლელობის საქმეზე ნაფიცმა მსაჯულებმა 13-საათიანი მსჯელობის შემდეგ ვერდიქტი ვერ გამოიტანეს. ნაფიც მსაჯულთა 12-კაციანი შემადგენლობიდან ვერდიქტის გამოსატანად  8 ხმა იყო საჭირო. ამის შემდეგ მოსამართლემ ნაფიცი მსაჯულების ახალი შემადგენლობის ასარჩევად სხდომა 10 ივნისს ჩანიშნა. 

ნაფიცი მსაჯულების ახალი შემადგენლობა  ვერდიქტის გამოტანა თუ ვერ შეძლო გიორგი ოქროპირიძე  გამართლებულად ჩაითვლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა