„ვიცი, რომ ბიძინა ივანიშვილი ირაკლი შოთაძეს თავდაცვის სამინისტროს მაღალჩინოსნების საქმის მიყვანის შემთხვევაში მთავარ პროკურორობას დაჰპირდა“,-ამის შესახებ „თავისუფალი დემოკრატების“ ლიდერმა ირაკლი ალასანიამ გადაცემა „რეაქციაში“ განაცხადა.

როგორც ალასანიამ აღნიშნა,  ირაკლი შოთაძე ყოფილი პრემიერ-მინისტრის ბიძინა ივანიშვილის პოლიტიკურ დაკვეთას ასრულებს.

„დღეს იყო მართლაც განსაკუთრებული მოვლენა, როდესაც დავინახეთ მოსამართლის ობიექტური გადაწყვეტილება საქმეზე, რომელიც ვიცით, რომ პოლიტიზებულია.  მე შინაგანად ყოველთვის მეშინოდა, რომ არ მომხდარიყო ამ პროცესის ისე პოლიტიზება, რომ ამას გავლენა მოეხდინა მოსამართლეზე. როგორც აღმოჩნდა, მთლიანად დაინგრა პროკურატურის მთელი ბრალდება, რომლის საფუძველზეც დააკავეს ხუთი უდანაშაულო ადამიანი. რომლის საფუძველზეც გამოვიდა ბიძინა ივანიშვილი და ამდენი ისაუბრა, რომ რაღაც შეკითხვები აქვს და თურმე ფული ყოფილა გაფლანგული თავდაცვის სამინისტროში. აღმოჩნდა, რომ ეს ყველაფერი არის ტყუილი. ვიცი, რომ  ბიძინა ივანიშვილი ირაკლი შოთაძეს მთავარ პროკურორობას დაჰპირდა“,-განაცხადა ირაკლი ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა