ექსკლუზივი - პარტია "ქართული ოცნების" კოორდინატორებსა და აქტივისტებს დღეს ოფიციალურად დაავალეს პრეზიდენტობის დამოუკიდებელი კანდიდატის, სალომე ზურაბიშვილის სასარგებლოდ მუშაობა. 

როგორც "ექსპრესნიუსისთვის" გახდა ცნობილი, დღეს აჭარის, გურიის, იმერეთის, ასევე ქართლისა და კახეთის რაიონულ ორგანიზაციებში "ქართული ოცნების" აქტივი დაიბარეს. განგრძლივი საუბრის შემდეგ, აქტივისტებს და კოორდინატორებს პრეზიდენტობის კანდიდატის სალომე ზურაბიშვილის სასარგებლოდ მუშაობა დაავალეს.

"ექსპრესნიუსის" ინფორმაციით, პარტიის თბილისის ორგანიზაციის კოორდინატორებმა აგვისტოს ხელფასიც აიღეს. "ქართული ოცნების" წარმომადგენლები სალომე ზურაბიშვილის სასარგებლოდ აგიტაციას მომდევნო კვირიდან შეუდგებიან. ოფიციალურად კი ცნობილია, რომ მმართველი გუნდის პოზიცია 9 სექტემბრის შემდეგ გახდება ცნობილი, რაც პარტიის ოფისში პოლიტსაბჭო ჩატარდება. 

ამის შესახებ პარლამენტის თავმჯდომარემ ირაკლი კობახიძემ ჟურნალისტებს განუცხადა.

„საპრეზიდენტო კანდიდატთან დაკავშირები​თ  „ქართული ოცნების" პოზიცია ალბათ, გაჟღერდება მას შემდეგ, რაც დასრულდება კანდიდატების დასახელება ანუ 8 სექტემბრის შემდეგ სავარაუდოდ და ეს ასე მოხდება. ეს არის ჩემი პირადი პოზიცია", -განაცხადა პარლამენტის თავმჯდომარემ. 

შეგახსენებთ, ქვეყანაში საპრეზიდენტო არჩევნები 28 ოქტომბერს გაიმართება. 

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times