შინაგან საქმეთა სამინისტროს გენერალური ინსპექციის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, თბილისში, ბოგდან ხმელნიცკის ქუჩაზე, ქრთამის აღების და ქრთამის აღებაში დახმარების ფაქტზე, სასაზღვრო პოლიციის სახმელეთო დაცვის დეპარტამენტის N3 სამმართველოს მესაზღვრე-სპეციალისტი მამუკა ქიტუაშვილი და მისი თანამზრახველი პირი - ბიჭიკო გ. დააკავეს, რომლებმაც მოქალაქისგან საქართველო-სომხეთის სახელმწიფო საზღვარზე ძვირფასი ლითონების საბაჟო წესების გვერდის ავლით გადმოტანის სანაცვლოდ, ქრთამის სახით 4000 აშშ დოლარი აიღეს. ინფორმაციას შსს ავრცელებს.
მათივე ცნობით, გენერალური ინსპექციის თანამშრომლებმა აღნიშნული დანაშაულის შეუტყობინებლობის ფაქტზე ასევე დააკავეს სასაზღვრო პოლიციის სახმელეთო დაცვის დეპარტამენტის N3 სამმართველოს მესაზღვრე-სპეციალისტი ზურაბ რევაზიშვილი.
გამოძიება მამუკა ქიტუაშვილის მიმართ ქრთამის მოთხოვნისა და აღების ფაქტზე მიმდინარეობს (საქართველოს სსკ-ის 338-ე მუხლის 1-ლი ნაწილით), ბიჭიკო გ-ს მიმართ – ქრთამის აღებაში დახმარების ფაქტზე (საქართველოს სსკ-ის 25-338-ე მუხლის 1-ლი ნაწილით), ხოლო ზურაბ რევაზიშვილის მიმართ – მძიმე დანაშაულის შუტყობინებლობის ფაქტზე (საქართველოს სსკ-ის 376-ე მუხლით). გამოძიებას შს გენერალური ინსპექცია აწარმოებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს