ანგელა მერკელმა საქართველო დატოვა [ვიდეო]

2018-08-24 13:53:23, 1658 ნახვა

პოლიტიკა

გერმანიის ფედერაციული რესპუბლიკის კანცლერის, ანგელა მერკელის ოფიციალური ვიზიტი საქართველოში დასრულდა.

თბილისის საერთაშორისო აეროპორტში კანცლერს გერმანელი ჯარისკაცები დახვდნენ. კანცლერის სამხედროებს გაესაუბრა, შემდეგ კი, მათთან ერთად გოტო გადაიღო.

თვითმფრინავის ტრაპთან ანგელა მერკელი საქართველოს პრემიერ-მინისტრმა, მამუკა ბახტაძემ მიაცილა.

შეგახსენებთ, ანგელა მერკელი საქართველოს გუშინ ეწვია. მან შეხვედრა გამართა საქართველოს პრემიერ-მინისტრთან, პრეზიდენტთან, პარლამენტის დეპუტატებთან და ოპოზიციის წარმომადგენლებთან. გარდა ამისა, დღეს იგი თბილისის ივანე ჯავახიშვილის სახელობის სახელმწიფო უნივერსიტეტის სტუდენტებს შეხვდა, რის შემდეგაც სოფელ ოძისში, საოკუპაციო ხაზთან გაემგზავრა და ადგილზე არსებული ვითარების შესახებ ინფორმაცია ევროკავშირის სადამკვირვებლო მისიის წარმომადგენლებისგან მიიღო.

ანგელა მერკელი საქართველოდან სომხეთში გაემგზავრა, შემდეგ კი, კავკასიურ ტურნეს აზერბაიჯანში განაგრძობს.