„საფუძვლიანი ეჭვია, რომ ეს დანაშაული ჩაიდინეს იგივე პირებმა, რომლებსაც ჰქონდათ ჩადენილი დანაშაული იური ვაზაგაშვილის შვილის მიმართ“, - ამის შესახებ ფრაქცია „თავისუფალი დემოკრატების“  წევრმა შალვა შავგულიძემ განაცხადა.

შალვა შავგულიძის განმარტებით, აუცილებელია, რომ გამოძიება სწრაფად წარიმართოს და დანაშაულის დამტკიცების შემთხვევაში, მასში მონაწილე პირები უმკაცრესად დაისაჯონ.

„არ მინდა გავუსწრო მოვლენებს, თუ ეს არის მკვლელობა, ეს არის ერთ-ერთი უსაზარლესი დანაშაული, რომელიც ჩვენ საერთოდ გვსმენია. აუცილებელია, რომ რაც შეიძლება სწრაფად ჩატარდეს, სრულყოფილი, ეფექტური გამოძიება და სიმართლე იცოდეს საზოგადოებამ. თუ დანაშაულია, მე დარწმუნებული ვარ, ის გაიხსნება, დამნაშავე დადგინდება და შესაბამისი პასუხისმგებლობა დაეკისრება, მაგრამ ასევე დარწმუნებული ვარ, საზოგადოება მანამდე გამოუტანს ჯერ კიდევ ანონიმ დამნაშავეს თავის სასჯელს, უმკაცრესი საზოგადოებრივი მიუღებლობისა და გაკიცხვის სახით. როგორც ირინე ენუქიძემ გვიჩვენა დედობის მაგალითი, იური ვაზაგაშვილმა მამობის მაგალითი გვიჩვენა და თუ ეს დანაშაულია, ამ გრძნობის შებღალვა და შეურაცხყოფაა. როდესაც მამა იბრძოდა დაედგინა სიმართლე მისი შვილის დაღუპვის ფაქტთან დაკავშირებით კანონიერად იყო ის  ლიკვიდირებული, თუ მოკლული იყო უკანონოდ და ასეთ დროს მამის წინააღმდეგ ასეთი საზარელი დანაშაული ხდება. ასეთ შემთხვევაში საფუძვლიანი ეჭვია, რომ ეს დანაშაული ჩაიდინეს იგივე პირებმა, რომლებსაც ჰქონდათ ჩადენილი დანაშაული მისი შვილის მიმართ. ეფექტური და ნაყოფიერი გამოძიების იმედი მაქვს“, - განაცხადა შალვა შავგულიძემ.

ცნობისთვის, რამდენიმე საათის წინ ზურაბ ვაზაგაშვილის მამა იური ვაზაგაშვილი, შვილის საფლავზე აფეთქდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“