პოლიციელს, რომელმაც ფოთში, ქურდობის დროს პირს ცეცხლი გაუხსნა, ორთვიანი პატიმრობა შეეფარდა

2018-07-25 17:49:43, 1080 ნახვა

სამართალი

პოლიციელს, რომელმაც ფოთში ჩასარიცხი აპარატის ქურდობისას პირს ცეცხლი გაუხსნა, ორთვიანი წინასწარი პატიმრობა შეეფარდა.

აღკვეთის ღონისძიების შეფარდება მსჯელობა სასამართლომ ცოტა ხნის წინ დაასრულა.

ბრალდებულის უფლებადამცველმა შუამდგომლობა პოლიციელის გირაოს სანაცვლოდ გამოშვების შესახებ დააყენა, თუმცა მოსამართლე ეს მოთხოვნა არ დააკმაყოფილა. როგორც ბრალდებული პოლიციელის ადვოკატმა აღნიშნა, საქმეში არ არსებობს არანაირი მტკიცებულება, რომელიც პოლიციელის ბრალეულობას ამტკიცებს. მანვე დასძინა, როომ მისი დაცვის ქვეშ მყოფმა იარაღი გადაუდებელი აუცილებლობით გამოიყენა. თავად პოლიციელი წარდგენილ ბრალდებაში თავს დამნაშავედ არ ცნობს.

საქმეზე გამოძიებას აწარმოებს სამეგრელო-ზემო სვანეთის საოლქო პროკურატურის საგამოძიებო ნაწილი, 333-ე მუხლის 3 ნაწილის „ბ" ქვეპუნქტით, რაც გულისხმობს სამსახურებრივი უფლებამოსილების გადამეტებას ძალადობით, ან იარაღის გამოყენებით.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები